დავასრულეთ კიდევ ერთი მნიშნველოვანი პროექტი Siemens-თან პარტნიორობით, საქართველოს ელექტრო ენერგიის გენერაციის სფეროში.

ჟინვალის ჰიდროკომპლექსში, GWP-ის დაკვეთით დავაყენეთ 4 ერთეული სიმენსის ახალი HB3-C-ის ტიპის საგენერატორო ვაკუუმური ამომრთველები, რომლებიც ამ მიმართულებით ყველაზე სანდო მოწყობილობაა და უზრუნველყოფს ჰესის სტაბილურ და უსაფრთხო ოპერირებას.

SIEMENS-ის HB3-C და სხვა საგენერატორო ვაკუუმური ამომრთველები საჭიროა იმ ელექტროენერგიის გენერაციის ობიექტებზე, რომელთა დადგმული გამომუშავების სიმძლავრე აღემატება 30 მეგავატს.

HB3-C ტიპის საგენერატორო ვაკუუმური ამომრთველები შეესაბამება ევროკავშირის IEC 62271-200:2011 და IEC 61936-1 (VDE 0101) სტანდარტებს. აღნიშნული ტექნოლოგია კი უზრუნველყოფს, ექსპლუატაციის პირობების დაცვით, 25 წლამდე მომსახურების გარეშე მუშაობას, რაც გრძელვადიან პერსპექტივაში 75%-მდე ამცირებს OPEX ხარჯებს.

ვიდეოს ბმული

რეტკოსა და USAID-ის პროგრამას "დამსაქმებლები პროფესიული განათლებისთვის" შორის პარტნიორობის ხელშეკრულება გაფორმდა, რომელიც მიზნად ისახავს ელექტროენერგეტიკულ სექტორში არსებული პროფესიული უნარების განვითარებას, სისტემურ დონეზე ხარისხისა და სტანდარტების მიმართ მოთხოვნის გაზრდასა და სფეროში ჩართული ყველა რგოლის კოორდინირებას.
პროგრამა, რომლის  საერთო ბიუჯეტი 1,45 მილიონ აშშ დოლარზე მეტია, მთელი საქართველოს მასშტაბით, ელექტროენერგეტიკით დაინტერესებულ ახალგაზრდებს, ასევე დასაქმებულ ელექტრული ინჟინრებს უფასო სწავლისა და გადამზადების შესაძლებლობას მისცემს. ორი წლის განმავლობაში მომზადება/გადამზადებას გაივლის 360 ბენეფიციარი შემდეგი ხუთი სასწავლო პროგრამის მეშვეობით.

გასული თვე რეტკოსთვის განსაკუთრებით შედეგიანი აღმოჩნდა, 14-21 აპრილს რეტკოს თანამშრომლები სამუშაო ვიზიტით გერმანიაში იმყოფებოდნენ, სადაც HANNOVER MESSE-ს დაესწრნენ.
ჩვენთვის მნიშნველოვანია, რომ პრაქტიკაში ვნახოთ წამყვანი ევროპული და სხვა განვითარებული ქვეყნების წარმოებული მოწყობილობები თუ სიახლეები და მათი გამოყენების არეალს გავეცნოთ, რაც ჩვენი თანამშრომლებისა და კომპანიის განვითარებას უწყობს ხელს.  
გამოფენის შემდგომ რეტკოს გუნდი ჩვენს უმსხვილეს პარტნიორ,  Siemens -თან, ურთიერთობის გაღრმავებისა და ახალი ტექნოლოგიების გასაცნობად ბერლინის ქარხანას ეწვია.
სიმენსთან რეტკოს უკვე 10 წლიანი თანამშრომლობის ისტორია აქვს, არაერთი წარმატებული მოლაპარაკების  შედეგი მალე გახდება ხელშესახები, როგორც ჩვენთვის, ასევე საქართველოს ბაზრისთვის.

რეტკოს ორგანიზებით, 25 მარტი- 9 აპრილის პერიოდში გაიმართა ვორქშოფების სერია სახელწოდებით „რუსთავი ბიზნეს იდენტობის ძიებაში“, რომელშიც საქართველოში მოღვაწე წამყვანმა სპიკერებმა რუსთაველ საზოგადოებასთან ერთად იმსჯელეს რუსთავის სამომავლო განვითარების სტრატეგიასა და პრობლემებზე.

ღონისძიებებს კერძო სექტორში დასაქმებული ადამიანებიდა ადგილობრივი ბიზნესის ტოპ მენეჯმენტი ესწრებოდა.  ვორქშოფების სერიის მიზანი იყო ერთად გვემსჯელა ქალაქ რუსთავის ბიზნეს პერსპექტივებსა და მის შესაძლებლობებზე, რათა რუსთავი გახდეს უფრო მიმზიდველი და საინტერესო ბიზნესისთვის.

მსგავსი აქტივობები რეტკო-ს მხრიდან მომავალშიც არის დაგეგმილი და იმედი გვაქვს ჩვენი, სხვა ბიზნესებისა და საზოგადოების აქტიური წევრების ჩართულობით მივაღწევთ საერთო მიზანს - რუსთავის ეკონომიკურ და კულტურულ გაძლიერებას.

რეტკო გილოცავთ შობა- ახალ წელს!

ჩვენი კომპანიისთვის გასული წელი წარმატებული იყო, 2022 წელს წარმატებით გავიარეთ ძირეული რებრენდინგი, რის შედეგადაც ახლებურად შევხედეთ კომპანიას და ამჟამად "რეტკო" პოზიციონირებს პრემიუმ სეგმენტის ელექტრო-ენერგეტიკული გადაწყვეტილებების მოწინავე კომპანიად. 2023 წლისთვის ჩვენი მიზანია ორგანიზაციული სტრუქტურისა და ბიზნეს-პროცესების საფუძვლიანად ჩამოყალიბება და იმპლემენტაცია.
ყოველივე ეს შეუძლებელია ერთგული და პროფესიონალი თანამშრომლების გარეშე, შესაბამისად, ვცდილობთ, რომ წავახალისოთ თანამშრომლები და მათთვის დამატებითი ზრდის სტიმული გავაჩინოთ რეტკოში!

გისურვებთ წარმატებებს!

რეტკომ მიმდინარე წელს დაასრულა რებრენდინგის პროცესი, შრომატევადი პროცესი რომელმაც გამოკვეთა ჩვენი ძლიერი და სუსტი მხარეები, შეცვალა ვიზუალური ელემენტები და გააძლიერა ჩვენი პოზიციონირება როგორც პრემიუმ კლასის ელექტრო-ტექნიკური კომპანია.

ამ ეტაპზე ჩვენ ვახორციელებთ პირველ მარკეტინგულ კამპანიას თბილისის საერთაშორისო აეროპორტის გაფრენის ზონაში, ექვსი სხვადასხვა ვიზუალური ბანერის წარდგენით, შპს Retco-ს განახლებული პოზიციონირების დემონსტრირებით სამიზნე აუდიტორიისთვის.

2021-2022 წლებში შპს რეტკო აქტიურად თანამშრომლობდა საერთაშორისო ექსპერტებთან კომპანიის რებრენდინგზე. მთელი ამ პროცესის განმავლობაში კომპანიამ აწარმოა ენერგეტიკული ბაზრის ყოვლისმომცველი ანალიზი, ხელახლა განსაზღვრა პოტენციური კლიენტების საჭიროებები, ჩაატარა კონკურენტების ანალიზი და შეიმუშავა პოზიციონირება არსებული კონკურენტული უპირატესობების მიხედვით.

პროცესის შემდეგ კომპანიამ მიიღო სრული ბრენდბუქი, რომელიც მოიცავს: ახალ ლოგოს, აღწერას, სლოგანს და თანამედროვე ბრენდბუქისთვის დამახასიათებელ სხვა ელემენტებს.

შპს Retco-ს ვიზუალური ელემენტები ასახავს უსაფრთხო, მაღალი ხარისხის ელექტრო ენერგიის მნიშვნელობას, ხაზს უსვამს კომპანიის ინდივიდუალურ, იუველირულ მიდგომას თითოეულ კლიენტთან ურთიერთობისას.

რეტკოს თანამშრომლები პოლონეთში, Energetab-ის, ენერგეტიკული სფეროს აღმოსავლეთ ევროპის ყველაზე მნიშნველოვან გამოფენას, ესწრებოდნენ, სადაც პარტნიორული ურთიერთობის გამყარების მიზნით შეხვედრები გამართეს სხვადასხვა ევროპელ მწარმოებლებთან.

რეტკოს განსაკუთრებულად მჭიდრო ურთიერთობები აქვს პოლონეთისა და აღმოსავლეთ ევროპის წამყვან მწარმოებელთან - Zpue-სთან, რომელიც გამანაწილებელ უჯრედებსა და ქვესადგურების წარმოებაში სეგმენტის ლიდერია.

HR სფეროში სამაგიდო წიგნი „WHO“ ხელმისაწვდომია პროფესიონალებისთვის.

წიგნის წარდგენა 15 სექტემბერს HR hub - ის ახალი სეზონის გახსნის ღონისძიებაზე მოხდა და საჩუქრად გადაეცათ ღონისძიებაზე დამსწრე საზოგადოებას.

„რეტკო“ კორპორატიული სოციალური პასუხისმგებლობის ფარგლებში, არაერთ მსგავს ღონისძიებას უჭერს მხარს, საკუთარი რესურსით თარგმნის და გამოსცემს წიგნებს, რომლებიც შემდგომში უსასყიდლოდ არის ხელმისაწვდომი შესაბამისი სფეროს პროფესიონალებისთვის.

ჩვენი გუნდი საქართველოში უახლესი ინფორმაციითა და ცოდნით დაბრუნდა.

მივლინებები ევროკავშირის ქვეყნებში გადამწყვეტია ჩვენი თანამშრომლების ცოდნის გასაღრმავებლად, რადგან ისინი იძენენ ახალ ინფორმაციას და ცოდნას დარგის შესახებ.

ჩვენ მტკიცედ გვჯერა, რომ ევროპელ მწარმოებლებთან კავშირების გაძლიერება მნიშნველოვანია საქართველოს ენერგეტიკული ბაზრის განვითარებისა და ევროპული სტანდარტების დანერგვის უზრუნველყოფისთვის

საწარმოში თანამშრომლები გაეცნენ ახალი საშუალო ძაბვის გამანაწილებელი უჯრედების წარმოების სრულ ციკლს და ადგილზე განიხილეს სხვადასხვა საკითხები. ვიზიტის შემდეგ გუნდი ჰანოვერის გამოფენაზე იმყოფებოდა, სადაც ენერგეტიკის სფეროში წამყვანი მწარმოებლები და ინოვატორები თავიანთი ახალი პროდუქციითა თუ სერვისებით იყვნენ წარდგენილნი.

რეტკო უზრუნველყოფს, რომ ელექტროენერგიის მსხვილ მომხმარებლებს ჰქონდეთ უსაფრთხო, შეუფერხებელი და ეკონომიური ელექტროენერგიის მოხმარება, წამყვანი ევროპული ბრენდების გამოცდილების გაზიარება და პრაქტიკაში გადმოტანა კი საქართველოს ელექტრო ენერგეტიკის ბაზარს განვითარებასა და დასავლურ სტანდარტებთან დაახლოებაში ეხმარება, საყოფაცხოვრებო დონეზეც კი, რაშიც რეტკოს თავისი წვლილი შეაქვს.

საქართველოში ელექტროენერგიის მსხვილი მომხმარებლებისთვის, გამანაწილებელი და გენერაციის ობიექტებისთვის  რეტკო იწყებს  ელექტრო-ინჟინერიის გადასამზადებელ კურსებს. (2023-2024 წლის განმავლობაში კურსები იქნება უფასო). 

კურსები ჩატარდება შერეული ფორმატით როგორც ფიზიკური, ასევე ონლაინ დასწრებით. კურსი ითვალისწინებს თითოეული მონაწილის ელექტრო მეურნეობის დეტალურ შესწავლას და ინდივიდუალურად მათი საჭიროებების მიხედვით შესაბამისი უნარების ფორმირებას.

სწავლების პროცესში ჩართული იქნებიან ქართველი და ლატვიელი ტრენერები, ხოლო წარმატებულ კურსდამთავრებულებზე გაიცემა საერთაშორისო სერთიფიკატი.

კურსების მიზანია კომპანიებმა და ზოგადად ქვეყანამ მაქსიმალურად რაციონალურად გამოიყენონ ელექტროენერგია და შეამცირონ მისით სარგებლობის დანახარჯები.